آراز نیوز

ارگان خبری تشکیلات مقاومت ملی آزربایجان

دیرنیش
شنبه ۲۹ام خرداد ۱۴۰۰
آخرین عناوین
شما اینجا هستید: / تیتر یک / ایسرایل-فیلیسطین چاتیشماسی شیددتله‌نیر

ایسرایل-فیلیسطین چاتیشماسی شیددتله‌نیر

ایسرایل-فیلیسطین چاتیشماسی شیددتله‌نیر
12 می 2021 - 03:14
کد خبر: ۵۹۴۹۴
تحریریه آرازنیوز

ایسرایل ایله حماس آراسینداکی چاتیشمالار تلاویو’ه ده سیچرادی. ایسرایل پولیسی، غزه’دن فیرلاتیلان روکئتلردن بیرینین، تئلاویو’ین دیشینداکی ریشون لزیون قصبه‌سینده بیر قادینا ایصابت ائتدیگینی آچیقلادی.

حماس روکئتیله وورولان قادینین اؤلومویله ایسرایل’ده‌کی اؤلنلرین ساییسی اوچه یوکسه‌لدی. حماس، ایسرایل’ین غزه’یه دوزه‌نله‌دیگی هاوا سالدیریلاریندا ان آز ۱۲ قاتلی بیر بینانی ییخماسینا جوابن تلاویو’ه ۱۳۰ روکئت فیرلاتدیغینی دویورموشدو.

تلاویو’ه یؤنه‌لیک روکئت سالدیریلاری ندنیله ایسرایل’ین بن گوریون اولوسلارارآسی هاوالیمانی دا بوتون اوچوشلاری دوردوردو.

“تایمز او ایسرایل”، تلاویو یاخینلارینداکی هولون شهرینده ده روکئتله وورولان بیر اوتوبوسون یاندیغینی و اولایدا ان آز آلتی نفرین یارالاندیغینی بیلدیردی.

ایسرایل’ین گونئیینده غزه یاخینینداکی آشکئلون شهرینده غزه شریدی’ندن (نوار غزه) آتیلان روکئتلئرله وورولان ایکی ایسرایل‌لی قادینین اؤلومو سونراسی دانیشان ایسرایل باشباخانی بنیامین نتانیاهو، هفته باشیندان بری ایسرایل اوردوسونون غزه’ده‌کی حماس و ایسلامی جیهاد حرکتی هدفلرینه یؤنه‌لیک یوزلرجه هاوا سالدیریسی گرچکله‌شدیردیگینی بیلدیره‌رک “سالدیریلاریمیزین شیددتینی داها دا آرتیراجاغیق” دئمیشدی.

ایسرایل باشباخانی، حماس’ین “هئچ بکله‌مه‌دیگی شکیلده وورولاجاغینی” قید ائتمیشدی.

 

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر