آراز نیوز

ارگان خبری تشکیلات مقاومت ملی آزربایجان

دیرنیش
جمعه ۱۰ام فروردین ۱۴۰۳
شما اینجا هستید: / خبر / آزربایجان / آغالار! صاباح میللی حؤکومتی قوراجاییق – توماج اورمولو

21 آذر 1324

آغالار! صاباح میللی حؤکومتی قوراجاییق – توماج اورمولو

پیشه وری: آغالار! صاباح میللی حؤکومتیمیزی قوراجاییق. بونون قارشیسیندا کیمسه دورابیلمز. آزربایجان خلقی بیزه بونون اوچون سس وئردی. بیز بو تاریخی گؤره وی یئرینه گتیرمه لییک.

آغالار! صاباح میللی حؤکومتی قوراجاییق – توماج اورمولو
12 دسامبر 2019 - 01:34
کد خبر: ۵۳۲۱۲
تحریریه آرازنیوز

تبریز شهری مشروطیتدن بو طرفه ایلک دفعه بئله بیر هیجان گؤروردو. خیابانی حرکتی زامانی دا تبریز شهرینده سیاسی هیجان یاشانسا آما بوگون تبریز شهرینین فضاسی بام باشقا ایدی. نه تکجه تبریز شهرینده بلکه آزربایجانین بوتون شهر و کندلرینده سیاسی و اجتماعی هیجان وار ایدی.

آزربایجان میلتی ایلک دفعه اولاراق اؤز میللی مجلیسلرینه (آزربایجان میللی مجلیسی) نماینده گؤندرمک اوچون سس وئرمیشدیلر. قادینلار هیجانلی ایدی چونکو اونلار دا بو سیاسی سوره جین بیر پارچاسی اولموشدولار. کندلی لر هیجانلی ایدی چونکو اونلارین باشیندا آرتیق تورپاق خانلاری یوخ بلکه اؤزلری اولاجاقدی.

تبریز شهرینده آزربایجان دمکرات فرقه سینین بیناسی ان قالابالیق گونونو یاشاماقدا ایدی. آزربایجانین بوتون شهرلریندن گلن میللت وکیللری فرقه نین مرکز بیناسینا گلیب هم باشقا میللت وکیللر ایله تانیش اولوردولار هم ده صاباح ۲۱ آذر ده میللی مجلیسین ایلک گونونده نه لر ائده جکلرینی دانیشیردیلار. ناهارادان سونرا فرقه نین مرکزی توپلانتیسی چوخ هیجان وئریجی ایدی. پیشه وری، شبستری، بی ریا و فریدون ابراهیمی دانیشیق آپاریردی.

شبستری: صاباح آزربایجان تاریخینده بؤیوک گون اولاجاقدیر. میللی مجلیسیمیزده آزربایجانین مرفه گلجک قرارینی آلاجاییق.

بی ریا: شیخ-ین و میللی سالارین خطالارینی بیز ائتمه مه لییک. اونلار تئهران ارتجاعینا گووه ندیلر و حرکتلری باشاریسز اولدو.

فریدون ابراهیمی: فرقه میزی و اونون دمکرات ایسته کلرینی دونیایا دوغرو دوزگون آنلاتمالییق. بین الخالق جلسه لره قاتیلیب دردیمیزی دئمه لییک.

پیشه وری: آغالار! صاباح میللی حؤکومتیمیزی قوراجاییق. بونون قارشیسیندا کیمسه دورابیلمز. آزربایجان خلقی بیزه بونون اوچون سس وئردی. بیز بو تاریخی گؤره وی یئرینه گتیرمه لییک.

او گئجه تبریز و آزربایجان بوتون گؤزه للیک و سویوقلوغو ایله اؤزونو آیدین بیر گلجه گه حاضیرلاییردی. فرقه نین ایشیقلاری سحره قدر یانیق ایدی. صاباح آزربایجان تاریخینده میللی دؤولتینی قوراجاق.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر