یئنی گاموحون ۱۰-جو قورولوش ایل دؤنومو ایله باغلی
(گونئی) آزربایجان سیاسی قورولوشلارینین امکداشلیق پلاتفورماسی‌نین بیلدیریشی
یئنی گاموحون ۱۰-جو قورولوش ایل دؤنومو ایله باغلی
(گونئی) آزربایجان سیاسی قورولوشلارینین امکداشلیق پلاتفورماسی‌نین بیلدیریشی
عزیز آزربایجان تورک میللتی
۲۹ مارت (۹ فروردین) یئنی گاموح قورولوشونون ۱۰-جو قورولوش ایل دؤنومودور. بو موناسیبتله یئنی گاموح باشقانی سایین دوکتور لطیف حسنی‌نی، مرکزی کومیته‌سینی، اویه لرینی، سئونلرینی، ائلجه ده گونئی آزربایجان میللی حرکاتینا کؤنول وئرمیش هر بیر وطنداشیمیزی تبریک ائدیریک.
یئنی گاموح قورولوشو ۱۰ ایلدن بری فعالیت ائتسه ده هامیمیز بیلیریک کی بو قورولوشون یارادیجیلاری ان آز ۲۵ ایلدن بری میللی حرکاتیمیزدا جان و کؤنول‌دن موباریزه ائدیرلر و حرکاتیمیزین بو گونلره گلیب چاتماسی اوچون بؤیوک امکلر وئریب، بؤیوک بدل‌لر اؤد‌ه‌ییبلر و اؤده‌ییرلر. یئنی گاموح مرکزی شوراسی‌نین بوتون عوضولری‌نین توتوقلانارق حاق‌سیزجاسینا اوزون مودت‌لی حبسه محکوم ائدیلمه‌سی، میللی حرکاتیمیزین تاریخی دؤنوم نؤقطه‌لرین‌دن اولموشدور. اؤزللیکله یئنی گاموح باشقانی سایین دوکتور لطیف حسنی‌نین زیندانداکی تاریخی دیرنیشی حرکاتیمیزین تاریخینه قیزیل حرفلرله یازیلمیش‌دیر. یئنی گاموحون یاشادیقلاری میللتیمیزین گرچک معنادا سؤمورگه آلتیندا یاشادیغی‌نین ان آچیق ثوبوتلاریندان بیریدیر. چونکی بیر داها گؤسترمیشدیر کی ایران رئژیمی حتی اؤز یاریمچی‌لیق آنا یاساسی‌نین چرچیوه‌سین‌ده بئله تورک میللتینه یاشام شانسی تانیمیر.
امینیک کی، وطنیمیزین بو سویوق قیشی بیر گون سونا چاتاجاق و وطن تورپاغین‌دان چیخان قار چیچکلری بیر داها وطنیمیز، گؤزل اما مظلوم و تالانمیش آزربایجانی آل-الوان بیر گول باغچاسینا چئویره‌جک.
او گونون اومیدیله… یاشاسین میللی قورتولوش و اؤزگورلوک موباریزه‌میز
(گونئی) آزربایجان سیاسی قورولوشلارینین امکداشلیق پلاتفورماسی
آزوح – دیرنیش – گادپ
۳۰/۰۳/۲۰۲۲
دیدگاهتان را بنویسید
این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.
هیچ دیدگاهی برای این مطلب ثبت نشده است