مرحوم رضا بَى سلحشورون یاس تؤرنى دونن جوما دکابرین ٢۶ آمئریکانین ویرجینیا ایالتینده ساعات ۴-٨ آراسى اورگِرین کانترى کلاپیندا قید اولوندو. یاس تورنینه بویوک قالابالیقلا قاتیلان هرکس گؤز یاشینى توتا بیلمدى. یاس تورنینى کلاپدا قید اولونماسى هرکسى شاقیقین سالمیشدى آنجاق بویوک اینسانلارین یاشامى کیمین اؤلوملریده بویوک درس اولورموش.

رضا بئى اوچ ایلگینج وصیت ائتمیشدیر؛
١-یاسیندا موغام اوخونسون.
٢- یاس تورنى کلاپدا موسیقى ایله گئچیریلسین، دئیب منیم اؤلمومله راضى دئیلم کیمسه حوزونلو اولسون.
٣- جسدى یاندیریلیب کولو “ساوالان” داغینا تؤکولسون، بیر عومور قوربتده وطن حسرتى ایله یاشایان رضا اؤزوم گورمسمده کؤلوم وطن توپراغینا قووشسون دئیب. تورَن مرحومون عینى وصیتى کیمین موحتشم بیر شکیلده گئچیریلدى رضا بئین بویوک قیزى سحر خانیم گؤز یاشى ایچینده “قارمان” ایفاسى مجلیسه باشقا هاوا یارادیب ، سیرا ایله قیزلارى و حایات یولداشى ناهید خانیم قوناقلارا تشکور ائدیبلر بیر چوخ قاتلیمیجى رضا بئین حاقیندا دانیشیب، سوئددَن گلن تانینمیش آزربایجان میلى فعالى ائلدار بئى قاراداغلى مرحومون قیساجا بیوگرافیسینى آنلادیب و رضا بَى حاقیندا وصف ائتدیگى شعرى اوخویوب:

GÖZƏL ƏFƏNDİM!

Uzun zaman oldu a canqardaşım,
sənlə tanışdığım, ülfət qurduğum.
Minlərcə, günəşin doğurduğu gün,
tanıq oldu bizim, qardaş andına!
And içdik səninlə yola çıxarkən,
ulusun vicdanı uğrumuz olsun!
And içdik bu yeniş-yoxuşlu yolda
Sıx tutaq əlləri, qopulmaz olsun.
Səninlə gülərüz, volkan ürəkli,
“Xəzər”tək mavi su, ağ pinar olduq!
Səninlə yorqunluq nədir bilmədik,
sınmadıq, yılmadıq, dizə çökmədik
illəndik birlikdə, türkləşdik birgə,
“Yanıq kərəm” olduq, yandıq ürəktək.
Səninlə, bir ömür öyküsü yazdıq
bəzən coşduq qaynar “Qotur”a döndük, ​
bəzən də yarpağı ələnmiş yaslı,
Təbriz çinarı tək, ayaqda qadlıq!
“Nə mutlu türküz biz!” ucadan dedik.
Vətənin uğruna, can qurban dedik.
“Səhənd”di görmədən, torpaq öpmədən,
bu dünyadan köçməm!
Bunu sən dedin!
….
Nə oldu qardaşım verdiyin o söz?
Hanı öpəcəkdik “Səhənd” torpağın?
Hanı içəcəkdik Savalan suyun?
Hanı dönəcəkdik bircə Təbrizə?
Hanı dönəcəkdik bircə Təbrizə?
….
İndi de hardasan a canqardaşım?
Sənsiz bu yolların dumanı altmış!
“Qaflan” dağlarını yaman qar basmış!
Doğma torpağını oxşayıb öpmək,
sənsiz çətin olmuş, əl çatmaz olmuş!
….
İndi sən gedəni neçə gün oldu,
yolun uğur dolu gözəl əfəndim!
Yolun uğur dolu gözəl əfəndim!

Eldar QARDAĞLI