Təbriz bələdiyyəsinin 10 rayonunda çalışan sürücülərin şəhər şurası qarşısında keçirdikləri aksiyadan təxminən iki ay keçir. Bu işçilərin sözlərinə görə, onların tələblərinə baxılması üçün hələ də heç bir təsirli addım atılmayıb.
Etirazçılar bildirirlər ki, «Səhənd Təlaşgəran» xidmət şirkəti yalnız vəd verir və bu vədlər indiyədək heç bir nəticə verməyib. Onların sözlərinə görə, şirkətin idarə heyətinin üzvü Səfəri sürücüləri və texnika bölməsinin işçilərini işdən çıxarılmaqla hədələyib.
Maaşların ödənilməsi, sığorta və iş statusunun müəyyənləşdirilməsi bu işçilərin əsas tələbləridir. Onlar Təbriz bələdiyyəsi və şəhər şurasından vəziyyətlərinə baxılmasını, Səhənd Təlaşgəran şirkətinin isə bu iddialara cavab verməsini tələb edirlər.
