آراز نیوز

ارگان خبری تشکیلات مقاومت ملی آزربایجان

دیرنیش
جمعه ۱۰ام فروردین ۱۴۰۳
شما اینجا هستید: / خبر / آزربایجان / میللی فعالار آجلیق آکسیاسی ایله باغلی نؤوبتی تدبیر کئچیریلیب

میللی فعالار آجلیق آکسیاسی ایله باغلی نؤوبتی تدبیر کئچیریلیب

میللی فعالار آجلیق آکسیاسی ایله باغلی نؤوبتی تدبیر کئچیریلیب
3 آگوست 2013 - 20:37
کد خبر: ۳۱۴
تحریریه آرازنیوز

آوگوستون ۳-ده بوتؤو آزربایجان اوجاق‌لاری (BAO) و گونئی آزربایجان دئموکرات پارتیاسی‌نین (گادپ) تشببوسو ایله “گونئی آزربایجان‌لی سیاسی محبوس‌لارین آجلیق آکسیاسی و اونون ایران‌داکی اجتماعی-سیاسی دوروما تأثیری” مؤوضوسوندا دییرمی ماسا کئجیریلیب

اؤیرنجی سسی یه داخیل اولام معلوماتا گوره ،تدبیری گیریش سؤزو ایله آچان BAO باشقانی ظاهر علیسوی آجلیق آکسیاسی حاقیندا قیسا معلومات وئردی. سونرا چیخیش اوچون سؤز گادپ سؤزچوسو محمود بیلگینه وئریلدی. او، گونئی دکی دوروم حاققیندا گئنیش معلومات وئردی و بوتون تشکیلات‌لارین بو مسئله‌ده آکتیو اولما‌لی اولدوغونو قئید ائتدی. م.بیلگین همچینین آجلیق ائدن محبوس‌لارا آجلیغی دایاندرماق اوچون مراجعت اولوندوغونو بیلدیردی: “اونلارین حرکتی قهرمان‌لیق‌دیر، آجلیق آکسیاسی آرتیق بین الخالق عالمده گونئی مسئله‌سینی کیفایت قدر گوندمه گتیریب و لازیم اولان ایشی گؤروب‌دور. اونا گؤره ده بیز اونلارین آجلیق آکسیاسینی دایاندیرما‌لارینی ایستییریک”

داها سونرا BAO یئتکی‌لی‌سی حاکم صادقلی آجلیق ائدن میللی فعال‌لارین آغیر فیزیکی دورومو، اونلارین بیر نئچه دفعه یئرلری‌نین دییشدیریلمه‌سی حاقیندا گئنیش معلومات وئردی: “اونلارا عائله‌لری ایله گؤروشو یالنیز شوشه آرخاسین‌دان تئلئفونلا دانیشماقلا ایجازه وئریلیب”.

سونرا بوتو آزربایجان خالق جبهه سی پارتیسی (BAXCP) صدری قدرت حسنقولی اوف، موساوات پارتیاسین‌دان عاریف حاجیلی، پروفئسسور فیرودین آغاسیوغ‌لو، پروفئسسور الیار سفرلی، داک یئتکی‌لی‌سی اژدر تقی‌زاده، پروفئسسور آلماز الیقیزی، ابراهیم ابراهیم‌لی، گونئی آزربایجان کونسئیی‌نین عضوو مردان سئییدبی‌لی، بختیار تونجای، حقوق مدافعچی‌سی صداقت پاشائوا، امید پارتیاسین‌دان روفت مرادلی، سامیر آدیگؤزل‌لی، میللی دیرچلیش پارتیاسین‌دان علیرضا آمانبی‌لی، تورکولوق آیدین مدتوغ‌لو و ب. چیخیش ائده‌رک مؤضوع اطرافیندا اؤز فیکیرلرینی بیلدیردی‌لر

علیرضا آمانبی‌لی خصوصاً تئلئکانال‌لاری گونئی پروبلئمینی ایشیقلاندیرماماقدا جدی اتهام ائتدی.

۳ ساعتا یاخین داوام ائدن تدبیرین سونوندا BAO و گادپ آدین‌دان بین الخالق تشکیلات‌لارا و خاریجی اؤلکه سفیرلیک‌لرینه مراجعت قبول ائدیلدی. عینی زاماندا تدبیر یشتیراکشی‌لاری میللی فعال‌لاری آجلیغی دایاندیرماغا چاغیردی.

 بوتؤو آزربایجان اوجاق‌لاری (BAO) و گونئی آزربایجان دئموکرات پارتیاسی‌نین (گادپ) بئینلخالق تشکیلات‌لارا(سازمان ملل، شورای همکاری کشورهای مشترک المنافع(ATT)، شورای اروپا، اتحادیه اروپا) و خاریجی اؤلکه سفیرلیک‌لرینه مراجعتی ایراندا یاشایان، سایی ۳۵ میلیوندان چوخ اولان یئرلی آزربایجان تورک‌لری‌نین میللی-مدنی حاق‌لاری اوغروندا موباریزه آپاران یئنی گاموح (گونئی آزربایجان میللی اویانیش حرکاتی) تشکیلاتی‌نین مرکزی کومیته‌سی‌نین ۵ عضوو – لطیف حسنلی، یوروش مهرلیبی‌لی، محمود فضلی، بهبود قلیزاده و شهرام رادمهر ایران رئژیمی‌نین اونلارین هر بیرینه اساس‌سیز اولا‌راق ۹ ایل حبس جزاسی وئرمه‌سینه و بوتون میللی-مدنی فعال‌لارا قارشی عدالت‌سیز قرارلارینا اعتراض علامتی اولا‌راق ۱۳ یول، ۲۰۱۳-جو ایل تاریخین‌دن حبس‌خانادا آجلیق آکسیاسینا باشلامیش‌لار. آرتیق ۲۲-جی گون‌دور کی، آجلیق آکسیاسی داوام ائدیر. میللی فعال‌لاریمیزین صحت‌لرینده جدی پروبلئم‌لر یارانیب. لطیف حسن‌لی اینفارکت ئچیردیگین‌دن دورومو تهلوکه‌ده‌دیر. یوروش مهرلیبی‌لی‌نین اونورغاسیندا، محمود فضلی‌نین ایسه پروستات وزی‌سینده پروبلئم وار. بهبود قلیزاده بؤیرک آغری‌سین‌دان، شهرام رادمهر ایسه سینیر سیستئمین‌دکی پروبلئمله علاقه‌دار باش آغریلاریندان‌ اذیت چکیر. آلینمیش سون معلومات‌لارا گؤره فعال‌لارین دورومو گونو-گون‌دن پیس‌لشمکده‌دیر، اونلار خئیلی آریقلاییب‌لار و رنگ‌لری سولوب. بوتون بون‌لارا باخمایا‌راق شووینیست رئژیم اونلارین حاق‌لی طلب‌لرینی یئرینه یئتیرمه‌یه هئچ بیر مئیل گؤسترمیر. لاکین شووینیست فارس رئژیمی اونو دا بیلمه‌لی‌دیر کی، میللی فعال‌لارین بو آکسیاسی گونئی آزربایجان تورک‌لری‌نین میللی-مدنی پروبلئم‌لرینی اؤلکه داخیلینده و بین الخالق عالمده گوندمه گتیرمکله بؤیوک بیر نایلیته ایمضا آتمیش‌دیر.

بیز، حبس‌خانادا آجلیق آکسیاسینی داوام ائتدیرن میللی فعال‌لارین فیزیکی دوروم‌لاری‌نین آغیرلیغین‌دان ناراهاتلیغیمیزی بیلدیریر و بیر داها بین الخالق تشکیلات‌لاری، آپاریجی دئموکراتیک دؤولت‌لری اینسان حاق‌لاری و بین الخالق حقوق نورما‌لارینی اساس گؤتورمکله شووینیست فارس رئژیمینه ممکون سیویل واسطه‌لرله تضییق گؤسترمه‌یه چاغیریریق.

بوتؤو آزربایجان اوجاق‌لاری

گونئی آزربایجان دئموکرات پارتیاسی

باکی، ۰۳٫۰۸٫۲۰۱۳٫

 

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر