ABŞ Siriq şəhristanındakı Kuhestək limanına edilən hava hücumunu araşdırır. İslam Respublikasının məmurları bu hücumun toy mərasimini hədəf aldığını iddia edirlər.
ABŞ-ın vitse-prezidenti Cey Di Vens bildirib ki, bu məsələ Vaşinqton üçün əhəmiyyət daşıyır və nə baş verdiyini öyrənmək istəyirlər. O əlavə edib ki, şəxsən bu versiyaya şübhə ilə yanaşır, çünki İranın dövlət televiziyası indiyədək bu toqquşma barədə dəqiq məlumat verməyib.
İslam Respublikası iddia edir ki, 1 sentyabr axşamı Kuhestəkə edilən hücumda biri uşaq olmaqla dörd nəfər ölüb, onlarla nəfər isə yaralanıb.
Vens bildirib ki, ABŞ ordusu Sepah-dan fərqli olaraq mülki şəxsləri hədəf almır və səhv baş verdiyi halda bundan nəticə çıxarır.
