ABŞ Senatı çərşənbə axşamı, iyunun 23-də Donald Trampın İrana münasibətdə səlahiyyətlərini məhdudlaşdıran bir qətnаmə qəbul etdi. Həmin layihə daha əvvəl Nümayəndələr Palatasında təsdiq edilmişdi və ilk dəfə olaraq belə bir qətnаmə Konqresin hər iki palatasından keçdi.
Qətnаmə 50 lehinə qarşı 48 əleyhinə səslə qəbul edildi. Dörd respublikaçı senator demokratların əksəriyyəti ilə birlikdə lehinə səs verdi; Pensilvaniya demokrat senatoru Con Fetterman isə əleyhinə səs verdi. Mitç MakKonell və Deyvid MakKormik səsvermədə iştirak etmədi.
Qətnаməyə əsasən, prezident ABŞ silahlı qüvvələrini İslam Respublikası ilə hər hansı bir münaqişədən çıxarmağa borcludur — bu o halda istisna olmaqla ki, Konqres rəsmi müharibə elan etsin və ya hərbi güc istifadəsinə icazə versin. Layihə eyni zamanlı qətnаmə növündən olduğu üçün qüvvəyə minməsi üçün prezidentin imzasına ehtiyac yoxdur.
Bununla belə, qətnаmənin qəbulu çəox güman ki, simvolik xarakter daşıyacaq. ABŞ hökuməti ölkənin silahlı qüvvələrinin hazırda İranla birbaşa münaqişədə iştirak etmədiyini bildirir; bəzi səlahiyyətlilər isə Müharibə Səlahiyyətləri Qanununu konstitusiyaya zidd hesab edir.
Layihənin müəllifi, Nyu-York demokrat deputatı Qreqori Miks bu addımın Müharibə Səlahiyyətləri Qanununa görə məcburi xarakter daşıdığını, prezidentin isə Konqresin razılığı olmadan müharibəni qeyri-müəyyən müddətə davam etdirə bilməyəcəyini deyib. Senatda demokrat azlığın lideri Çak Şumer də səsvermədən əvvəl respublikaçıları demokratlara qoşulub bu qətnаməyə lehinə səs verməyə çağırıb.
