Wall Street Journal-ın məlumatına görə, Tehran Vaşinqtonla mümkün razılaşmada dondurulmuş vəsaitlərin azad edilməsindən daha çox Donald Trampa siyasi güzəşt qarşılığında nəticə əldə etməyə çalışır.
ArazNews-un məlumatına görə, ABŞ və İran arasında davam edən danışıqlarda əsas mübahisə mövzuları nüvə proqramı, sanksiyalar, dondurulmuş İran vəsaitləri və Hörmüz boğazının gələcəyi olaraq qalır.
Qəzet yazır ki, Tehran bir tərəfdən hərbi təzyiq və regional gərginlik fonunda danışıqları davam etdirir, digər tərəfdən isə Vaşinqtonun siyasi nəticəyə ehtiyacından istifadə etməyə çalışır.
Bu arada, tərəflər arasında yekun razılaşmanın hələ formalaşmadığı, diplomatik təmasların isə vasitəçilər üzərindən davam etdiyi bildirilir.
