آراز نیوز

ارگان خبری تشکیلات مقاومت ملی آزربایجان

دیرنیش
سه شنبه ۱۸ام بهمن ۱۴۰۱
آخرین عناوین
شما اینجا هستید: / تورکجه / ایستانبول’داکى ترور سالدیریسی ایله ایلگیلی قارداش تورکییه’یه باشساغلیغى مساژی

ایستانبول’داکى ترور سالدیریسی ایله ایلگیلی قارداش تورکییه’یه باشساغلیغى مساژی

ایستانبول’داکى ترور سالدیریسی ایله ایلگیلی قارداش تورکییه’یه باشساغلیغى مساژی
14 نوامبر 2022 - 22:46
کد خبر: ۶۲۵۵۵
تحریریه آرازنیوز

مع‌الاسف بیر داها ترور چیرکین اوزونو گؤسترمیش و ترور هؤرگوتلرى و آرخالارینداکى گوجلر قارداش تورکیه’میزین گؤزل شهرى ایستانبول’دا سیویل اینسانلارین جانینا قییمیشلار.

نه یازیق کى اورتا دوغو و او جومله‌دن تورکییه و آزربایجان تورک میللتلرى اوزون ایللردن برى ترور بلاسى ایله قارشی قارشییا قالمیش و تورک میللتینین اوزه‌رینده خائین عمللرى اولان گوجلر تورکییه و آزربایجان’دا میللتیمیزى اوزللیکله ده سیویل اینسانلاریمیزى آغیر بدللره اودمه‌یه مجبور بیراخمیشلار. ایستانبول’دا یاشانان بو منفور ترور ائیله‌مى ده بو زنجیرین بیر حلقه‌سی اولموشدور.

بو اولای گونئی آزربایجان تورکلوگونو ده دریندن اوزموشدور. آزربایجان’ین قوزئیینده وه گونئیینده و ده تورکییه’ده یاشایان تورک میللتی اوزون بیر بیرلیک و دایانیشما گئچمیشینه صاحیبدیرلر و بو سوره ظرفینده هب آجیلاردا و سئوینجلرده اوموز اوموزا اولموشدورلار.

قوشقوسوز بوگون ده گونئی آزربایجان تورکلوگو تورکییه’نین یانیندادیر و آجیسینی پایلاشماقدا، ترورو تلعین ائتمکده‌دیر. بیز بو مکتوبو ایمضالایان گونئی آزربایجان تشکیلاتلاری، بو وسیله ایله بو اولایدا حایاتینی ایتیره‌ن اینسانلاریمیزا آللاهدان رحمت، عائیله‌لرینه صبیر و یارالیلارا عاجیل شیفالار تمنی ائدیریک.

امینیک کى تورک دولتی گئچمیشده اولدوغو کیمی، بو ترور ائیله‌مینین ده اونونده و ارخاسیندا اولانلارى اورتایا چیخاراجاق و گره‌یینی ائده‌جکدیر.

آزربایجان مرکز پارتیسی (آمپ)

آزربایجان میللى دیرنیش تشکیلاتی (دیرنیش)

آزربایجان اؤیرنجی حرکتی (آزوح)

گونئی آزربایجان دموکرات پارتیسی (گآدپ)

۱۴/۱۱/۲۰۲۲

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر