ABŞ rəsmilərindən biri bildirib ki, İran İslam Respublikasının həyata keçirdiyi raket və pilotsuz uçuş aparatı hücumları nəticəsində indiyədək ABŞ qüvvələrinə və ya bölgədəki hərbi obyektlərinə məlum hər hansı zərər dəyməyib.
Araz News-un Reuters-ə istinadən verdiyi məlumata görə, adı açıqlanmayan ABŞ rəsmisi bildirib ki, hücumlardan sonra amerikalı hərbçilərin həlak olması və ya yaralanması, eləcə də ABŞ-a məxsus bazalar və obyektlərə ziyan dəyməsi barədə heç bir məlumat daxil olmayıb.
Rəsminin sözlərinə görə, buraxılan raket və PUA-ların demək olar ki, hamısı hava hücumundan müdafiə sistemləri tərəfindən zərərsizləşdirilib.
O əlavə edib ki, hücumların nəticələri və mümkün zərərlərlə bağlı yekun qiymətləndirmə prosesi hələ də davam edir.
