اخبار ویژه:

تورکجه خبر:

تبریزین ملت وکیلی: سورونلارین چؤزومو قوزئی آزربایجان آدی ایله یئنی استانین یارانماسیندا دئییل

آراز نیوز: سانترالیست فارس شوونیزمی طرفیندن، آزربایجان بولگه‌سینی کیچیلدمک و اؤز ایچینده اریتمه آماجی ایلا ، یئنی پلانلار یورودولمکده دیر. اورمو گؤلونون قورودولماسی و بؤلگه‌نی دوز چؤلونه چئویرمه‌لری بس دئییلمیشجه‌سینه، بو سفر یئنی پلاندا قوزئی آزربایجان آدییلا یئنی بیر استان یاراتماق نیتینده‌دیرلر.

سانترالیست فارس شوونیزمی طرفیندن، آزربایجان بولگه‌سینی کیچیلدمک و اؤز ایچینده اریتمه آماجی ایلا ، یئنی پلانلار یورودولمکده دیر. اورمو گؤلونون قورودولماسی و بؤلگه‌نی دوز چؤلونه چئویرمه‌لری بس دئییلمیشجه‌سینه، بو سفر یئنی پلاندا قوزئی آزربایجان آدییلا یئنی بیر استان یاراتماق نیتینده‌دیرلر.

بو حاقدا تبریز، اسکو و توفارقان (آذرشهر) میللت وکیلی اولان، محمد اسماعیل سعیدی بو لایحه‌نی تنقید ائدیب، آزربایجان بؤلگه‌سینین بیر بوتوو اولدوغونو وورغولادی.

گونئی آزربایجان بوتوولوگونو هدف آلان ایران رژیمی، ایللربویو، آزربایجانی فرقلی بؤلگه‌لره بؤلوشدوره‌رک گونئی آزربایجان تورک خالقی‌نین بیرلیک و برابرلیگی و عینی زاماندا اورتاق کولتورونون آراسیندا ایختیلاف سالماغا چالیشیبدیر.

 تبریز، اسکو و توفارقان (آذرشهر) میللت وکیلی محمد اسماعیل سعیدی، «تبریز بیدار» خبر سایتی ایله آپاردیغی بیر موصاحبیه‌ده: «اؤلکه‌نین یئنی تقسیماتیندا، «قوزئی آزربایجان استانی»  آدیندا اولان لایحه‌نی، اردبیلین میللت وکیللرینین بیریندن ائشیتدیم. بو لایحه چوخ یئنی اولماسینا رغمن دیقتلی اولماغیمیزی گرکدیرن بیر لایحه‌دیر» دئدی.

او دانیشیغینین داوامیندا اورمو گؤلونون احیا اولونماماسی و یئترینجه بودجه آیریلماماسیندان تنقید ائدرک، «یانلیش سیاستلر سونوجوندا باتی آزربایجان‌ سو و الکتریک اورتیمینده (تولیدینده) بویوک سیخینتیلارلا اوزلشکمده‌دیر» دئدی.

 تبریز میللت وکیلی سعیدی «ایرانین حاضیر دوروموندا یئنی استانلار یاراتماق بؤلگه‌نی بؤیوک سیخینتیلارلارلا اوزبه اوز بوراخماقدان سونرا باشقا بیرشئی دئییلدیر.» دئدی. «یئنی استانلار یاراتماق یئرینه دؤلت چالیشمالیدیرکی، موجود اولان استانلارا داها چوخ ایمکان یاراتسین.» دئیه وورغولادی.

تبریز میللت وکیلی آزربایجان بؤلگه‌سینی بیر واحید کولتور، اکونومی، دیل و عنعنه‌یه صاحیب اولدوغونو وورغولاییب اونو بیربیرینه توخونولموش بیر ایپلیگه بنزتدی.

سعیدی اؤز دانیشیقلاریندا صفوی امپراتورلوغوندا اولان ایالتی سیستمینی اؤرنک آلاراق «صفویه دورونده اؤلکه ایالتی اولاراق اداره اولوردو او اوزدن بیر چوخ سورونلار اورتایا چیخمیردی» دئدی. او استانلاردا اولان سورونلارین بیر چوخونو تهرانا باغلی اولماقدا بیلیب استانلارین اختیارلارینین آرتماسینی ایسته‌دی.

ایران سؤمورگه‌چی رژیمی بؤلگه و دونیا طرفیندن چئشیدلی دیش باسقیلارا رغمن اؤلکه ایچینده یاشایان غیرفارس میللتلره قارشی سؤمورو سیاستلرینی دایاندیرمیر ترسینه سینسیجه گونئی آزربایجان بؤلگه‌سینه، تضییقلرینی آرتماقدادیر.

دیدگاه خود را ثبت کنید.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آخرین اخبار