آراز نیوز

ارگان خبری تشکیلات مقاومت ملی آزربایجان

دیرنیش
چهارشنبه ۲۹ام خرداد ۱۳۹۸
آخرین عناوین
شما اینجا هستید: / خبر / آزربایجان / یای گئجه‌لری‌نین آپاریجیسی محمد فرشباف آزربایجانا سلام وئرمگی اوچون اویاریلدی

تورکجه خبر:

یای گئجه‌لری‌نین آپاریجیسی محمد فرشباف آزربایجانا سلام وئرمگی اوچون اویاریلدی

شرقی آزربایجان استانی تلویزیونوندان یاییلان یای گئجه لری پروقرامینین آپاریجیسی محمد فرشباف آزربایجانا سلام وئرمک اوچون تلویزیونون سانسورچوسو طرفیندن اویاریلدی.

یای گئجه‌لری‌نین آپاریجیسی محمد فرشباف آزربایجانا سلام وئرمگی اوچون اویاریلدی
۱۵ شهریور ۱۳۹۷ - ۱۷:۰۴
کد خبر: ۴۶۴۴۲
تحریریه آرازنیوز

شرقی آزربایجان استانی تلویزیونوندان یاییلان یای گئجه لری پروقرامینین آپاریجیسی محمد فرشباف آزربایجانا سلام وئرمک اوچون تلویزیونون سانسورچوسو طرفیندن اویاریلدی.

محمد فرشباف اؤز اینستاگرام صفحه سیندن یاییدیغی بیر پستدا بو اولایی آچیقلایاندان سونرا آزربایجان سوسیال مدیا قوللانیجی‌لاری و خبر سیته‌لری « #سلام_آزربایجان » هشتگی ایله بو اولایا تپکی گؤستردیلر.

فرشباف شخصی اینستاگرامیندان یایدیغی خاطره سیندن آلدیغیمیز بیلگیلر اساسیندا آچیق هاوادا اجرا اولان جانلی پروقرامدا اؤزون مونیتوردا گؤرن فرشباف آرخاسینداکی تبریز شهرینی ده گؤرور و همن دویغولانیب «آرخامدا تبریز اوز به اوزومده بؤیوک آذربایجانیمیزا سلام دئییرم..» جمله سین سؤیله‌ییر. اوز به اوزومده بؤیوک آزربایجان کلمه سیندن تلویزیونا باخان آزربایجان تورک ملتین قصد ائدن فرشباف تلویزیونون سانسورچوسو طرفیندن اویاریلیر کی نیه آزربایجانا سلام وئردین.

سانسورچویا گؤره فرشبافین آرخاسیندا تبریز اولدوغو زامان اوز به اوزونده قوزئی آزربایجان جمهوریتی اولاجاقدیر. بو اوزدن او فرشبافا «سن چوخ بیخود ائدیرسن اورا سلام وئریرسن» دئییر. اؤزون ساوونان فرشباف دوردوغو یئرده اوز به اوزونده جفرافیایی اولاراق مشهد و افغانستانین اولدوغون خاطیرلادیر آنجاق سانسورجو «بونلاری من آنلامارام، صاباحدان آزربایجانا سلام وئرسن من بیلیرم بیرده سن» دئییر.

بو خاطره نین یاییلماسی ایله بیرگه یئرلی مئدیالار و سوسیال مدیا قوللانیجیلاری بو اولایا تپکی وئریب «سلام آزربایجان» هشتگی ایله رژیمین بو شکیلده خور باخیشلارین قیناماق اوچون کمپیین دوزنله‌ییبلر. بو آرادا تبریزین استانی شبکه سی نین سوروملولاری بو کمپینین بؤیومگیندن قورخوب دونن گئجه‌کی بیر برنامه ده مجرینی تئز تئز «آزربایجانا سلام دئییرم» جمله سی نین دئمگینه مجبور ائتمیشدیلر.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر