Tactical Report-un məlumatına görə, Qətər ABŞ-dan beşinci nəsil F-35 qırıcıları almaq istədiyini yenidən bildirib. Bu müraciət sentyabrın 21-də ABŞ müdafiə nazirinin köməkçisinin müavini Maykl DiMinonun Dohaya səfəri zamanı edilib.
Qətərin baş nazirinin müavini, müdafiə işləri üzrə dövlət naziri Şeyx Səud bin Əbdürrəhman Al Sani görüşdə Vaşinqtondan dəqiq yol xəritəsi təqdim etməsini istəyib. Doha ABŞ-ın bu qırıcıların satışına hansı şərtlərlə razılıq verəcəyini öyrənmək istəyir.
Satışla bağlı hələlik yekun razılaşma elan olunmayıb. Buna baxmayaraq, tərəflər razılığa gəliblər ki, Vaşinqton bir neçə təhlükəsizlik qurumunun iştirakı ilə Qətərin müraciətini siyasi baxımdan nəzərdən keçirməyə başlasın.
