İran polisinin rəhbəri Əhmədrza Radan bildirib ki, ABŞ və İsrailin İrana qarşı müharibəsinin başlanmasından bəri 6500-dən çox şəxs “casusluq” və “vətənə xəyanət” ittihamı ilə saxlanılıb.
Araz News-un məlumatına görə, Radan saxlanılanlardan 567 nəfərin konkret olaraq onun “müxalif qruplar və rejim əleyhdarı təşkilatlar” adlandırdığı çevrələrlə əlaqəli olduğunu iddia edib. O, saxlanılanların kimliyi və məhkəmə prosesi barədə əlavə məlumat verməyib.
Son həftələrdə İran rəsmiləri informasiya ötürmək, görüntü paylaşmaq və sosial şəbəkələrdə fəaliyyət göstərmək kimi ittihamlarla çoxsaylı vətəndaşın saxlanıldığını açıqlayıb. Lakin bu iddialarla bağlı müstəqil detallar açıqlanmayıb.
