Hörmüzgan əyalətinin sahil şəhristanı olan Sirik noyabrın 12-də, cümə axşamı axşam saatlarında hücuma məruz qalıb. İslam Respublikasının rəsmi mediası hökumət mənbələrinə istinadən zərbədən bir neçə dəqiqə sonra hücumun «hərbi xarakter» daşıdığını xəbər verib.
Hökumət mənbələri zərbəni xarici qüvvəyə aid ediblər, lakin hücumu həyata keçirən ölkənin adını açıqlamayıblar. Rəsmi məlumatda zərbənin dəqiq yeri, hədəfi və mümkün itkilər barədə heç nə deyilməyib.
Sirik Hörmüzganın şərqində, Oman dənizinin sahilində, Hörmüz boğazının girişi yaxınlığında yerləşir. Regionun ixrac etdiyi neftin böyük hissəsi bu su yolundan keçir.
