ABŞ rəsmisi i24 News telekanalına müsahibəsində bildirib ki, İslam Respublikası Vaşinqtonla danışıqlarda həddindən artıq tələblər irəli sürüb. Onun sözlərinə görə, Tehran şərtlərinə yeni tələblər əlavə edib.
Vaşinqtonla Tehran arasındakı fikir ayrılığı iki məsələ ətrafında cəmlənib. Bunlardan biri tərəflərin hər birinin razılaşma çərçivəsində atmalı olduğu addımlar, digəri isə bu addımların icra ardıcıllığıdır.
Amerikalı rəsmi əlavə edib ki, Trampın kifayət qədər vaxtı var. ABŞ prezidentinin gələn həftə Çində keçiriləcək görüşdə iştirak etməsi planlaşdırılır. Həmin vaxta qədər Yaxın Şərqə daha çox təyyarədaşıyan gəminin və ABŞ-ın bir amfibiya hücum qrupunun çatacağı gözlənilir.
