Kərəc İnqilab Məhkəməsi 1404-cü ilin dey ayında baş vermiş ümumölkə etirazları zamanı saxlanılan iki nəfər, Həmid Kazımi və Həsən Divənd barədə edam hökmü çıxarıb. Bu addım etirazçılara qarşı ağır hökmlərin çıxarılmasının davamıdır.
HRANA hüquq müdafiə xəbər agentliyinin məlumatına görə, hökmləri Kərəc İnqilab Məhkəməsinin hakim Səbzəvarinin sədrlik etdiyi 2-ci şöbəsi «əməliyyat fəaliyyəti» ittihamı ilə çıxarıb.
Həmid Kazımi və Həsən Divənd ötən qış baş vermiş etirazlar zamanı İslam Respublikasının təhlükəsizlik qüvvələri tərəfindən saxlanılıb. Onlar hazırda Kərəc Mərkəzi Həbsxanasındadırlar.
HRANA bildirib ki, bu iki etirazçıya qarşı irəli sürülən ittihamların təfərrüatları və onların son hüquqi vəziyyəti hələ də araşdırılır.
Bu hökmlər dey ayı etirazlarının qanlı şəkildə yatırılması zamanı minlərlə insanın öldürüldüyü və ya yaralandığı, on minlərlə vətəndaşın isə saxlanıldığı və ya istintaqa çağırıldığı bir vaxtda çıxarılıb.
