ABŞ prezidenti Donald Tramp ölkənin Kənd Təsərrüfatı Nazirliyinin fermerlərə yardım etmək və məhsul yığımı mövsümündə dizel yanacağı xərclərindəki artımın bir hissəsini kompensasiya etmək üçün 8 milyard dollarlıq proqrama start verəcəyini açıqlayıb.
"Reuters"in məlumatına görə, Tramp bu planı Kanzasda keçirilən seçki mitinqində elan edib və ödənişlərin fermerlərə birdəfəlik yardım şəklində həyata keçiriləcəyini bildirib.
ABŞ Kənd Təsərrüfatı Nazirliyi də bu dəstəyin 2026-cı ildə istehsal xərclərinin artması və bazardakı müvəqqəti pozuntulardan yaranan itkilərin bir hissəsini kompensasiya etməyə yönəldiləcəyini açıqlayıb. Bu addım ABŞ-da aralıq seçkilər ərəfəsində və yanacağın yüksək qiymətindən qaynaqlanan təzyiqin artdığı bir vaxtda atılır.
