Araznews-un Anadolu xəbər agentliyinə istinadən verdiyi məlumata görə, Ərdoğan Nyu-Yorkda Türkiyənin ABŞ ilə nüvə enerjisi, maye təbii qaz, mülki aviasiya və qabaqcıl texnologiyalar sahəsində əməkdaşlığı genişləndirməyə hazır olduğunu deyib.
O, iki ölkə arasında müdafiə sənayesi əməkdaşlığının həm ikitərəfli, həm də NATO çərçivəsində irəli aparılmalı olduğunu bildirib və əlavə edib: "İki müttəfiq arasında əslində heç olmamalı maneələri arxada qoymaq və yeni bir sürət qazandırmaq istəyirik."
Ərdoğan həmçinin birgə istehsal imkanları da daxil olmaqla, ortaq əməkdaşlığın genişləndirilməsini Ankara ilə Vaşinqton münasibətlərinin gələcəkdəki əsas istiqamətlərindən biri adlandırıb.
