ABŞ Müdafiə naziri Pit Hegset açıqlayıb ki, Vaşinqton İran İslam Respublikasına qarşı geniş iqtisadi təzyiq kampaniyasına başlayarkən, hərbi gücün yenidən istifadə olunması seçimini də kənara qoymayıb.
Araz News-un Reuters agentliyinə istinadən verdiyi məlumata görə, Hegset deyib: «Hörmüz boğazının istənilən nöqtəsində və ya İranın istənilən yerində hərbi hücumların olması seçimini heç bir şəkildə istisna etmirik.» O, eyni zamanda Tehranın indiki iqtisadi təzyiqə tab gətirə bilməyəcəyini iddia edib.
Bu açıqlamalar, ABŞ Xəzinədarlıq naziri Skott Bessentin Vaşinqtonun İran İslam Respublikasının iqtisadi təcridini artırmaq və ikinci dərəcəli sanksiyaları genişləndirmək planının təfərrüatlarını açıqladığı bir vaxtda gündəmə gəlib.
Buna qarşı, İran İslam Respublikasının İqtisadiyyat naziri Əli Mədənizadə Tehranın «ABŞ sanksiyalarına tam hazır» olduğunu bildirib.
