İsrailin Baş naziri Binyamin Netanyahu bildirib ki, ölkə ABŞ-a olan hərbi asılılığından əl çəkməli və müstəqil silah istehsalı gücünü inkişaf etdirməlidir.
İsrail Times-a istinadən; o, Qərb Sahilindəki Quş Etsion qəsəbəsində ordu ehtiyat zabitləri ilə görüşdə deyib: «Amerikalı dostlarımızın dəstəyini yüksək qiymətləndirirəm, lakin bu gün biz öz müstəqil silah istehsalı sistemimizə sahib olmalı və ehtiyacımız olan silahları özümüz istehsal etməliyik.»
Netanyahu İranla və Tehranın müttəfiq qrupları ilə olan münaqişəyə işarə edərək əlavə edib: «Biz onlara ağır zərbələr vurmuşuq, lakin bu döyüş hələ başa çatmayıb və onun nəticəsi öz gücümüzdən asılıdır. İsrailin gələn 30 ildəki mövqeyi də bu günkü gücümüzün səviyyəsindən asılıdır.»
Onun açıqlamaları o zaman səslənir ki, Vaşinqton və Tel-Əviv arasında 10 illik yeni təhlükəsizlik əməkdaşlığı çərçivəsinin hazırlanması üzrə danışıqlar davam edir; hər iki tərəfin nümayəndələrinin bildirdiyinə görə, həmin çərçivənin məqsədi ABŞ-ın hərbi yardımından tam qarşılıqlı tərəfdaşlığa mərhələli keçidi təmin etməkdir.
