تانینمیش اورمولو آذربایجان میلّی فعالی حیاتینی دگیشیب
اکبر جامخانه، آذربایجان میلّی حرکتی‌نین تانینمیش فعاللاریندان، بوگون اورمونون اومید خسته‌خاناسیندا وفات ائدیب.
آراز نیوزون الده ائتدیگی بیلگه‌لره گؤره، رحمتلیک اکبر جامخانه، ۲ آیا یاخیندیر کی کانسئر (سرطان) خسته‌لیگینه توتولموشدو و اورمو شهرینین اومید خسته‌خاناسیندا درمان گؤروردو. نه یازیق کی بوگون گون‌اورتا چاغلاریندا، آلدیغی درمانلار جواب وئرمه‌ییب و بو دگرلی فعال وفات ائدیب.
آراز نیوز مئدیا قوروپو یازارلار هیئتی اولارق بو آجی ایتکینی رحمتلینین عاییله‌سینه باش ساغلیغی دئییب، موجادیله دوستوموزا اولو تانری‌دان رحمت دیله‌ییریک.