آزربایجان میلّی حرکتینین تانینان فعاللاریندان سایین تایماز اورمولونون (طاهر محامی) وفات خبری میلّی حرکت جامعهسینده اوزونتو و کدره سبب اولموشدور.
تایماز بگ اوزون ایللر آزربایجان میلّی حرکتی و تورک میلتینین حاقلاری اوچون اؤز طرزی ایله موجادیله ائتدی.
بیر دؤنم تشکیلاتیمیزین اویهسی و «ایشچی کومیتهسی سوروملوسو» اولان تایماز بگ، دیرنیش تشکیلاتی بونیهسینده «باتی آزربایجان میلّی مودافیعه کومیتهسی»، «اورمو ایشچیلری» و «آزربایجان ایشچلری» اولوشوملارینداکی فعالیتلری ایله یاددا قالدی.
آمریکایا کؤچدوکدن سونرا یاشام شرطلری و گؤروش آیریلیقلاری سببی ایله تشکیلاتیمیزدان آیریلسا دا، کئچمیش فعالیتلری تشکیلاتیمیزین قورومسال حافظهسینده یئرینی قورودو.
تایماز بگ سونراکی ایللرده ده وطن میلت موجادیلهسیندن گئری دورمادی و اؤز امکانلاری و طرزی ایله موجادیلهسینه دوام ائتدی.
ایندی ایسه دونیاسینی دگیشدیگی خبری اسکی یولداشلارینی و سئونلرینی دریندن حوزونلندیرمیشدیر.
تایماز بگین وفاتی موناسیبتی ایله بوتون آزربایجان میلّی حرکتی جامعهسینه، ائلهجه ده دگرلی عایلهسینه باش ساغلیغی و صبر دیلهییریک.
یئری اوچماق اولسون.
آزربایجان میلّی دیرنیش تشکیلاتی
مرکزی شوراسی
