تورکییه ایچایشلری باخانی: تئروریستلره نفس آلدیرمایاجاغیق
تورکییه ایچایشلری باخانی سولیمان سویلو، تورکییه’دهکی تئروریست ساییسینین ۱۹۷’یه دوشدوگونو خاطیرلاداراق، “تک تک هامیسینی تعقیب ائدیریک. نفس آلدیرمایاجاغیق” دئدی.
ایچایشلری باخانی سولیمان سویلو، ۱۹ ائیلول غازیلر گونو دولاییسییلا سیواس’دا بیر توی سالونوندا دوزهنلهنن پروقرامدا، غازیلرین بولوندوغو ماسالاری تک تک گزهرک گونلرینی قوتلادی.
غازیلره (جانباز) و شهید عایلهلرینه خیطاب ائدهن سویلو، توم شهیدلره و ابدی دونیایا گؤچ ائدهن غازیلره، الله’دان رحمت دیلهدی.
تئرورلا موجادیلهنی کسینتیسیز سوردوردوکلرینی آنلاتان سویلو شونلاری قئید ائتدی: “تئرورلا دا اؤیله بیر موجادیله ائدیریک کی آرخاسیندا کیم اولورسا اولسون ایستر آوروپا اولسون، ایستر آمئریکا اولسون، ایستر باتی اولسون، ایستر دوغو اولسون هئچ اؤنملی دئگیل. باخین دونن آخشام سؤیلهدیم بوگون بورادا تکرار سؤیلهییرم. تورکیبه’دهکی تئروریست ساییسی ۲۰۰’ون آلتینا دوشدو، ۱۹۷ اولدو. تک تک هامیسینی تعقیب ائدیریک. نفس آلدیرمایاجاغیق.” / ت.ر.ت
