ندن میللی حرکتده «آنتی تشکیلات‌چیلق» پمپاژ ائدیلیر؟
بو سوال هر زامان ذهنیمده؛ ندن هر زامان میللی حرکتده «آنتی تشکیلات‌چیلق» پمپاژ ائدیلیر؟ هر هانسی تشکیلات یا جمع فعالیته باشلاییر، همن آردینجا بیریلری مستقل و غیرتشکیلاتی آدییلا میللی حرکتده تشکیلاتچیلیغا قارشی چیخیرلار؟
ظولم آلتیندا اولان بیر توپلوم و میللتین، ظالیمه قارشی موٚجادیله‌سی هئچ بیر زامان ظفر قازانا بیلمز، یانلیز خیردا دا اولموش اولسا، بیر تشکیلاتی اولدوغو زامان. گون گلر بو خیردا و ضعیف دئدیگیمیز تشکیلات بیر میلتین تاریخ و وارلیغینی قورویوب، ساخلار. گرچک مسئله بودور کی آزربایجان تورک میللتی‌نین دوشمانلاری هر زامان آزربایجاندا تشکیلاتچیلغا قارشی اولوب و اونلارین قوللوقچولاری و منفعتچی کسیملر، تشکیلاتیمیز یوخدور، خاریجده اولان تشکیلاتلار میللی حرکتی تمثیل ائتمیرلر، آزربایجان داخیلینده هیچ بیر تشکیلاتین تأثیری یوخدو و تشکیلات لار یابانجی سرویس لردن مالی یاردیم الیرلار ایفاده‌لری ایله، فاشیستلرین خیدمتینده اولوبلار.
بو ایفاده لرین بیر قیسمی «دار آنلایش‌لی و دایاز دوشونجه‌لی» کیمسه‌لر طرفین‌دن آغیزا گتیریلیر، بیر چوخ قیسمی ده گونئی آزربایجانین میلی موٚجادیله‌سینی اورتادان قالدیرماق اوچون «ایران گیزلی سرویسلری»نین آپاردیغی پروژه‌دی که بیریلری‌نین بوغازیندان چیخیر. ایران فاشیست‌لری، گونئی آزربایجاندا حتی کیچیک بیر تشکیلاتین و تشکیلاتچیلیغین اؤنمینی یوکسک سویه ده بیلیر، نه یازیق کی بیرییلری میللی حرکتده بو اهمیتی آنلاماییب.
اسماعیل جوادی – آنکارا
۲۰۲۱/۴/۹
