آراز نیوز

ارگان خبری تشکیلات مقاومت ملی آزربایجان

دیرنیش
شنبه ۲ام بهمن ۱۴۰۰
آخرین عناوین
شما اینجا هستید: / خبر / آزربایجان / آزربایجان ملی-مدنی فعالی سهند معالی ۱۰ آی کسین حبس جزاسینا محکوم اولدو

تورکجه خبر:

آزربایجان ملی-مدنی فعالی سهند معالی ۱۰ آی کسین حبس جزاسینا محکوم اولدو

سراب شهرستانی نین انقلاب محکمه‌سی سهند معالینی نظاما قارشی تبلیغی فعالیت آدی ایله سوچلاییبدیر.

آزربایجان ملی-مدنی فعالی سهند معالی ۱۰ آی کسین حبس جزاسینا محکوم اولدو
6 سپتامبر 2018 - 16:46
کد خبر: ۴۶۴۴۱
تحریریه آرازنیوز

سراب شهرستانی نین انقلاب محکمه‌سی سهند معالینی نظاما قارشی تبلیغی فعالیت آدی ایله سوچلاییبدیر.

سرابلی ملی فعال سهند معالی بیر آی بوندان اؤنجه تیر آیی‌نین ۱۴-ده گونئی آزربایجان شهرلرینده اولان گئنیش توتوقلامالاردا رژیمین امنیتی گوجلری طرفیندن توتوقلانمیشدی. او گئنیش توتوقلانمالارین ندنی بابک قالاسی نین چاغریسی ایدی. آنجاق رژیمین امنیتی و انتظامی گوجلری قالایا چیخمایان ۱۰۰ نفردن آرتیق ملی فعالی گونلر اؤنجه دن توتوقلاییب حبسه سالمیشدی.

وثیقه قیدی ایله سربست بوراخیلان سهند معالی شهریور آیی نین ۱۲-سی سراب شهرستانی نین انقلاب دادگاهی طرفیندن ۱۰ آی تعزیری حبسه محکوم اولدو. مهدی شمسین ریاستی ایله قورولان بو محکمه‌ده معالی نین سوچو نظاما قارشی تبلیغی چالیشمالار آدلاندیریلدی. آرتیرمالی دیر کی سهند معالی بوندان اؤنجه ده اؤز ملی – مدنی چالیشمالاریندان دولایی امنیتی گوجلر طرفیندن توتوقلانیب ایشکنجه اولوب دادگاه طرفیندن حبسه محکوم اولموشدو.

گونئی آزربایجانلی وکیل و حقوقچولاری «نظاما قارشی تبلیغی فعالیت» آدیندا بیر سوچ باشلیغین امنیتی گوجلر طرفیندن اورتایا قویولان بیر اویدوروق بیلیرلر. نیه کی بو باشلیق آلتیندا هر کیمسه هر گؤردوغو ایشدن دولایی سوچلو ساییلا بیلر.

هیچ دیدگاهی برای این مطلب ثبت نشده است

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

این سایت از اکیسمت برای کاهش هرزنامه استفاده می کند. بیاموزید که چگونه اطلاعات دیدگاه های شما پردازش می‌شوند.

روی خط خبر