İslam Respublikası Hörmüz boğazının açılması üçün təklif etdiyi möhləti yeddi gündən iki günə endirib. Pakistanın xarici işlər naziri İshaq Dar bazar ertəsi, noyabrın 16-da Abbas Əraqçi ilə görüşdən sonra bildirib ki, İslamabad Vaşinqtonun bu plana cavabını gözləyir. Görüş İslamabadda İqtisadi Əməkdaşlıq Təşkilatının (ECO) xarici işlər nazirləri iclası çərçivəsində keçirilib.
Darın sözlərinə görə, Tehranın yeni planı İslamabad müvəqqəti anlaşma memorandumu əsasında hazırlanıb. ABŞ və İslam Respublikası iyun ayında bu memorandum üzrə razılığa gəlsələr də, tərəflər arasında onun icra şərtləri ilə bağlı fikir ayrılığı hələ də qalmaqdadır.
Pakistanın xarici işlər naziri vurğulayıb ki, İslamabad müharibəyə son qoyulması və Tehranla Vaşinqton arasında hərbi gərginliyin azaldılması üçün vasitəçiliyini dayandırmayıb. Onun sözlərinə görə, «biz ümidimizi itirməmişik, səylərimizdən əl çəkməmişik və bu vəziyyətin nizamlanması üçün çalışmağa davam edirik».