ABŞ-ın 9 saylı zərbə qrupunun flaqman gəmisi olan «USS Theodore Roosevelt» nüvə aviadaşıyıcısı Sinqapurun Çanqi hərbi-dəniz bazasında təxminən üç gün davam edən «qeyri-adi» dayanacaqdan sonra bazanı tərk edib. Gəmi noyabrın 9-u, bazar ertəsi gününə qədər Yaxın Şərq istiqamətində hərəkət edirdi.
Gəminin Avtomatik İdentifikasiya Sistemi (AIS) noyabrın 8-də gecəyarısı Malakka boğazı yaxınlığında söndürülüb. Aviadaşıyıcını Hind okeanına doğru bir neçə raketdaşıyan döyüş gəmisi müşayiət edir. Amerika xəbər saytları onun Yaxın Şərqdə aylarla qala biləcəyini ehtimal edib.
ABŞ prezidenti Donald Tramp həmin bazar ertəsi xəbərdarlıq edib ki, İslam Respublikasına növbəti hücum olarsa, əvvəlkindən «beş dəfə» böyük olacaq. Vaşinqton hazırda İslam Respublikasına qarşı geniş miqyaslı dəniz blokadası tətbiq edir və bəzi malların İrana gətirilməsini və İrandan çıxarılmasını öz icazəsindən asılı edib. ABŞ indi blokadanı quru sərhədlərinə və Xəzər dənizinə də genişləndirmək istəyir.
