Azərbaycan Respublikasının Qarabağ və Şərqi Zəngəzurdakı təcrübəsi Ukraynaya yararlı ola bilər. Ukrayna Prezidenti Volodimir Zelenski bu bölgələrdə görülən işləri ölkəsi üçün vacib təcrübə adlandırıb.
Zelenski həmçinin Bakının Ukraynaya göstərdiyi humanitar yardıma görə Azərbaycan Prezidenti İlham Əliyevə təşəkkür edib. O, xüsusilə Azərbaycanın elektrik avadanlığının təminatı ilə bağlı dəstəyinə minnətdarlığını bildirib.
Bakı 2022-ci ildən bəri Rusiyanın hücumları nəticəsində zərər çəkmiş Ukraynanın enerji şəbəkəsinin bərpası üçün bir neçə partiya transformator, generator və digər elektrik avadanlığı göndərib. Azərbaycan Respublikası 2020-ci il müharibəsindən sonra Qarabağ və Şərqi Zəngəzurda geniş miqyaslı bərpa və minatəmizləmə layihələri həyata keçirir.
