Azərbaycan Respublikasının sərhəd qüvvələri İran ərazisindən Azərbaycana qanunsuz yolla keçirilməsi planlaşdırılan 34 kiloqramdan çox narkotik vasitənin aşkarlanaraq götürüldüyünü açıqlayıb.
AZƏRTAC-ın Azərbaycan Dövlət Sərhəd Xidmətinin rəsmi məlumatına istinadən verdiyi xəbərə görə, yük «Horadiz» sərhəd dəstəsinin xidməti ərazisində aşkarlanaraq götürülüb.
Məlumata görə, sərhədçilər əməliyyat zamanı 34 kiloqram 42 qram narkotik vasitə və 2 ədəd qatlanan bıçaq aşkarlayıblar.
Azərbaycan rəsmiləri bu iş və İran sərhədindən keçən narkotik qaçaqmalçılığı marşrutu ilə bağlı araşdırmaların davam etdiyini bildiriblər.
