İranda müəllimlərin alıcılıq qabiliyyəti son on ildə kəskin şəkildə azalıb. Bir çox təhsil işçisinin maaşı artıq minimum yaşayış xərclərini qarşılamır.
İLNA xəbər agentliyinin məlumatına görə, araşdırmalar təhsil işçilərinin aldıqları maaşın orta dollar dəyərinin 2016-cı ildəki təxminən 636 dollardan 2026-cı ilin payızında 109 dollara düşdüyünü göstərir. Bu, təxminən 83 faizlik azalma deməkdir.
15 il iş stajı olan müəllimin maaşı təxminən 25 milyon tümən olduğu halda, böyük şəhərlərdə yoxsulluq həddi 85-91 milyon tümən arasında qiymətləndirilir.
Təhsil məsələləri üzrə ekspert Məhəmmədrza Niknejad əmək haqları ilə yaşayış xərclərinin artımı arasındakı uçurumu tənqid edib. O bildirib ki, müəllimlərin maaşı cəmi təxminən 20 faiz artıb, halbuki son aylarda valyuta məzənnəsi 100 faizdən çox yüksəlib.
Bu vəziyyət bir çox təhsil işçisini dolanışığını təmin etmək üçün ikinci və üçüncü işdə çalışmağa məcbur edib. Vəziyyət İslam Respublikasının təhsil sistemində iqtisadi böhranın dərinləşdiyini göstərir.
