"Şərq" qəzetinin məlumatına görə, İranda məktəblərin təxminən 85 faizi dövlət məktəbləridir. Buna baxmayaraq, aparıcı universitetlərdəki yerlərin 85-90 faizi xüsusi və qeyri-dövlət məktəblərinin məzunlarına çatır.
1405-ci ilin buraxılış imtahanlarında adi dövlət məktəblərinin orta balı 9,94, istedadlı şagirdlər üçün nəzərdə tutulmuş məktəblərin orta balı isə 17,41 olub. Ali məktəblərə qəbul imtahanında ilk 30 yeri tutanlar arasında adi dövlət məktəblərinin payı da 1403-cü ildəki 5 faizdən 3 faizə düşüb. Qərbi Azərbaycanın orta balı 9,65 olub ki, bu da ölkə üzrə orta göstəricidən, yəni 11,30-dan aşağıdır. Sistan və Bəlucistan 8,99 balla sonuncu yerdə qərarlaşıb.
Təhsil Nazirliyinin İnformasiya Mərkəzinin sabiq rəhbəri Mürtəza Nəzəri bu vəziyyətin əsas səbəbinin ödənişli məktəblərin genişlənməsi və maraqlar toqquşması olduğunu bildirib. Onun sözlərinə görə, həmin nazirliyin bəzi rəhbər işçiləri özləri qeyri-dövlət məktəbi təsis edib və onu idarə edirlər. İslam Respublikası Konstitusiyasının 30-cu maddəsinə əsasən, dövlət orta təhsil dövrünün sonunadək pulsuz təhsili təmin etməyə borcludur.
