İranın 31 əyalətindən ən azı 11-i qarşıdakı qışda qaz çatışmazlığı ilə üzləşəcək, Tehranda da qazın kəsilməsi təhlükəsi var. İslam Respublikası hökumətinin rəsmiləri yeni xəbərdarlıqda ilin soyuq aylarında qaz çatışmazlığının daha da kəskinləşə biləcəyini bildiriblər.
Hökumət bu vəziyyətin səbəbini ABŞ ilə müharibədə qaz emalı obyektlərinin zərər görməsi ilə izah edir. Dövlət rəsmilərinin sözlərinə görə, hətta paytaxtda da qazın kəsilməsi ehtimalı var və qışda 11 əyalətdə qaz təchizatı ilə bağlı problem yaranacağı proqnozlaşdırılır.
İran şəhərlərində evlərin əksəriyyəti qazla isidilir. Müharibədən əvvəlki qışlarda da qaz çatışmazlığı bir neçə əyalətdə idarələrin və məktəblərin bağlanmasına, eləcə də sənaye müəssisələrinə qaz verilişinin dayandırılmasına gətirib çıxarmışdı.
