SEPAH-ın Hava-Kosmik Qüvvələri komandanının ali müşaviri Bilali hədələyib ki, ABŞ yenidən İrana hücum edərsə, Vaşinqtona kömək edən istənilən ölkə və ya qüvvə İslam Respublikasının hədəfinə çevriləcək. O bildirib ki, SEPAH-ın cavabının coğrafi məhdudiyyəti yoxdur və regionda heç bir nöqtə amerikalılar üçün təhlükəsiz olmayacaq.
SEPAH rəsmisi iddia edib ki, SEPAH-ın raket bazaları İsraili və ABŞ bazalarını vurmaq üçün kifayət qədər mənzilə malikdir. Onun sözlərinə görə, SEPAH-ın raketlərindən biri ABŞ hərbi gəmilərini regiondan çıxarmaq üçün hazırlanıb. O, həmçinin iddia edib ki, silahların yerli istehsal olması SEPAH-ın hərbi gücünü xarici proseslərin təsirindən qoruyur.
Bilali daha sonra iddia edib ki, SEPAH-ın raketləri Veysman İnstitutunu, Neqevi və Dimonanı vurub. O, manevr qabiliyyətinə görə «Fəttah-2» raketini qarşısıalınmaz adlandırıb.
