Türkiyə Milli Müdafiə Universitetinin rektoru Erhan Afyoncu bildirib ki, bu ölkə, Azərbaycan Respublikası və Türkmənistan «bir ata-anadan olan üç qardaşdır». O deyib ki, müxtəlif türk tayfaları ayrı-ayrı dövrlərdə və müxtəlif torpaqlarda güclənərək öz dövlətlərini qurublar.
Afyoncunun fikrincə, türk tarixinin ən böyük dövlətlərinin əsasını oğuzlar qoyub. Səlcuqlular, Osmanlı, Səfəvilər, Ağqoyunlu, Qaraqoyunlu, Əfşarlar və Qacarlar bu dövlətlərdəndir. Oğuzlar Anadolu, Azərbaycan, İraq və Suriyada da çoxsaylı bəyliklər qurublar.
Tarix professoru əlavə edib ki, «bir atanın oğulları» olan oğuzlar bu gün Türkiyə, Azərbaycan Respublikası və Türkmənistanda hakimiyyətdədir. Onun sözlərinə görə, dünyadakı 250 milyon türkün təxminən yarısı oğuzdur.
