"Əl-Ərəbi əl-Cədid"in məlumatına görə, Qatar və Pakistan İslam Respublikası ilə ABŞ arasında danışıqların bərpası üçün vasitəçilik planı təqdim ediblər. Bu plana əsasən, Tehran Qatar banklarında dondurulmuş 6 milyard dollarlıq aktivlərinin yalnız faizini alacaq. Vəsaitin əsas məbləği isə İranın hesabına köçürülməyəcək.
Bunun müqabilində İslam Respublikası Beynəlxalq Atom Enerjisi Agentliyinin müfəttişlərinə nüvə obyektlərinə gizli və əvvəlcədən elan edilməmiş səfərlər etməyə icazə verməlidir. Bu yoxlama Vaşinqtonun nüvə dosyesi üzrə əsas tələblərindən biridir.
Qəzetin yazdığına görə, Pakistan ordusunun komandanı feldmarşal Asim Munir çərşənbə axşamı bu planı Tehrana aparıb. "Əl-Ərəbi əl-Cədid"in mənbələri bildirib ki, ABŞ bu planla razılaşıb, Tehran isə daha əvvəl ona müsbət cavab vermişdi.
