Benyamin Netanyahu ilə Məhəmməd bin Zayidin görüşündən xəbərdar olan İsrail mənbəyi bildirib ki, İsrailin baş naziri sentyabrın 27-də, bazar günü Əbu-Dabidə keçirilən görüşdə BƏƏ prezidentinə İranın nüvə proqramı ilə bağlı yeni məxfi məlumatlar təqdim edib. İsrailin qiymətləndirməsinə görə, bu məlumatlar proqramın yenidən irəlilədiyini göstərir.
Təqdim olunan məlumatların bir hissəsi Natanz obyektinin cənubunda yerləşən «Kolənq-Gəzla dağı» yeraltı kompleksində aparılan yeni tikinti işləri ilə bağlıdır. Dağın dərinliyində inşa edilən bu kompleks İsrailin qiymətləndirməsinə görə, Tehranın nüvə proqramını bərpa etmək cəhdləri üçün ehtimal olunan məkanlardan biri hesab olunur.
Natanz obyekti 2025-ci ildəki 12 günlük müharibə zamanı «Gecəyarısı çəkici» əməliyyatı çərçivəsində ABŞ-ın hücumuna məruz qalıb, lakin Kolənq-Gəzla dağı kompleksi hədəfə alınmayıb.
