Vaşinqtonun İranın yeni təklifinə cavabı qətərli vasitəçilər vasitəsilə ötürülüb. İslam Respublikasının xarici işlər naziri Abbas Araqçinin bu gün Tehranda cavabı nəzərdən keçirməsi gözlənilir.
Reuters-in məlumatına görə, müzakirə olunan plan qarşılıqlı etimadın yaradılması üçün yeddigünlük proqramı, Hörmüz boğazının açılmasını və iyun ayındakı anlaşma memorandumunun təkmilləşdirilmiş versiyasına qayıdışı əhatə edir.
Reuters yazıb ki, hazırkı mərhələdə əsas fikir ayrılığı planın müddəalarının özündən çox, addımların hansı ardıcıllıqla icra olunacağı ilə bağlıdır. Qətər isə Tehran və Vaşinqtonun mövqelərini yaxınlaşdırmaq üçün vasitəçiliyini davam etdirir.
