İran İslam Respublikasının Ali Milli Təhlükəsizlik Şurasının katibi Möhsün Rezai nüvə silahının yaradılmasını əsaslandırmaq üçün yeni bir məntiq irəli sürüb: əgər İran atom bombasına sahib olmadan belə hücuma məruz qalırsa, bəs nə üçün bu silahı yaratmasın? O, İslam Respublikasının atom bombası yaratmaq qərarına gəldiyini demədi, lakin onun bu açıqlamaları hökumətin yüksək vəzifəli təhlükəsizlik məmurlarından birinin dilindən nüvə çəkindirmə məntiqinin bu qədər açıq şəkildə ifadə edildiyi ilk hal olub.
Bu açıqlamalar İrana qarşı sanksiyaların, bahalaşmanın və alıcılıq qabiliyyətinin azalmasının ölkə əhalisinin gündəlik həyatını ağırlaşdırdığı günlərdə səsləndirilib. İslam Respublikası hər zaman öz nüvə proqramını "sülhməramlı" adlandırıb və rəsmi şəkildə atom silahının ardınca getdiyini inkar edib.
