İraqın korrupsiya ilə mübarizə məhkəməsi Əhməd Əsədi — keçmiş Əmək və Sosial Məsələlər naziri və Həşdül-Şəbinin sabiq sözçüsü barəsində korrupsiya, qeyri-qanuni qazanc əldə etmə və dövlət müqavilələrindən sui-istifadə ittihamı ilə həbs hökmü çıxarıb.
İraq mediasının məlumatına görə, Əsədiyə qarşı məhkəmə hökmü Federal Dürüstlük Komissiyasının şikayəti əsasında verilib. O, nazir olduğu dövrdə hazırlanmasında və verilməsində iştirak etdiyi müqavilə və layihələrdən özü və ya başqaları üçün mənfəət əldə etməkdə ittiham olunur. Məhkəmə həmçinin onun əmlakının aydın olmayan artımı ilə bağlı işə də baxır.
Əsədi «Əlaqələndirmə Çərçivəsi»nə yaxın simalardan biri və Həşdül-Şəbinin keçmiş rəhbər şəxslərindəndir. Bu hökmün verilməsi İraqda son həftələr bir sıra keçmiş məmurları və deputatları da əhatə edən geniş miqyaslı korrupsiya ilə mübarizə kampaniyasının davamı kimi baş verib.
