Mərakeşdən mühacirlərin kütləvi şəkildə daxil olmasından sonra İspaniya rəsmiləri Seutadakı vəziyyəti normal vəziyyətə qaytarmağa çalışırlar.
Associated Press-in məlumatına görə, son günlər ərzində Seutaya daxil olan mühacirlərin əksəriyyəti bu ərazini tərk edib, lakin İspaniya rəsmiləri hələ də bu miqrasiya dalğasının təhlükəsizlik və humanitar fəsadları ilə üzləşirlər.
Minlərlə insanın Seutaya daxil olması son illərdə bu regiona olan ən böyük miqrasiya dalğalarından biri hesab olunur və Avropa İttifaqının cənub sərhədlərinin nəzarəti mövzusunu bir daha diqqət mərkəzinə gətirib.
