Associated Press xəbər verib ki, ABŞ-ın hücumunun təxirə salınmasından sonra irəli sürülən yeni təklif yalnız nüvə proqramı ilə məhdudlaşmır və gərginliyin azaldılması üçün bir sıra qarşılıqlı addımları əhatə edir.
Associated Press-ə istinadən, bu təklifə Hörmüz boğazının yenidən açılması, regionda hücumların, o cümlədən İslam Respublikasının dəstəklədiyi qrupların hücumlarının dayandırılması, buna qarşılıq isə ABŞ-ın dəniz mühasirəsinin sona çatdırılması və İranın neft ixracının bərpası daxildir. Bununla belə, agentlik vurğulayıb ki, hələ heç bir yekun razılaşma əldə olunmayıb və vasitəçilik səyləri davam edir.
Eyni zamanda, CNBC telekanalı xəbər verib ki, Tehran və Ömanın Hörmüz boğazında gəmiçiliyin idarə olunması ilə bağlı danışıqları yekun mərhələyə çatıb, lakin bu danışıqlar boğazın açıq və ya bağlı qalması məsələsindən ayrıdır və Tehran ilə Vaşinqton arasındakı siyasi danışıqlarla qarışdırılmamalıdır.
