BƏƏ prezidentinin diplomatik müşaviri Ənvər Qarqaş İran rejiminin Hörmüz boğazında nüfuzunu gücləndirmək cəhdlərinə reaksiya verərək bildirib ki, bu strateji su yoluna nəzarət etmək və ya BƏƏ-nin dəniz suverenliyinə müdaxilə etmək cəhdi “xam xəyaldan” başqa bir şey deyil.
ArazNews-un verdiyi məlumata görə, Qarqaş X sosial şəbəkəsində paylaşımında bildirib ki, Körfəz ölkələri illərdir İranın “zorakı siyasəti” ilə qarşılaşıb və bu davranış regionun siyasi atmosferinin bir hissəsinə çevrilib.
O iddia edib ki, İran rejimi “açıq hərbi məğlubiyyətdən” sonra bölgədə yeni reallıq yaratmağa çalışır, amma Hörmüz boğazına nəzarət və ya BƏƏ-nin dəniz hakimiyyətini pozmaq cəhdi uğurlu olmayacaq.
