Donald Tramp bazar günü bildirib ki, ABŞ İranla müharibə fonunda bu ölkədə hökumətə qarşı etiraz edənlərə silah göndərib. Fox News-un məlumatına görə, o, bu silahların kürdlər vasitəsilə çatdırıldığını deyib.

Tramp qeyd edib: “Biz etirazçılara çoxlu silah göndərdik. Onları kürdlər vasitəsilə göndərdik. Və düşünürəm ki, kürdlər onları saxladı.”

ABŞ prezidenti, bundan əvvəl İranı Hörmüz boğazı bağlı qalacağı təqdirdə elektrik stansiyaları və körpülərə hücumla hədələmişdi. O, bu müsahibədə bildirib ki, bazar ertəsi İranla razılaşma əldə etmək üçün “yaxşı şans” görür.

O əlavə edib: “Düşünürəm ki, sabah yaxşı şans var, onlar artıq danışıqlar aparırlar.”

Tramp həmçinin deyib: “Əgər tez razılaşmaya gəlməsələr, hər şeyi partlatmağı və nefti nəzarətə götürməyi nəzərdən keçirirəm.”