ArazNews-un məlumatına görə, İran məhkəmə sistemi çərşənbə günü səhər saatlarında “Mossad üçün casusluq” ittihamı ilə bir şəxsin edam edildiyini açıqlayıb.

Bildirilib ki, “Kuroş Keyvani” adlı şəxs “ölkənin həssas məkanlarına aid görüntü və məlumatları” Mossad əməkdaşına ötürməkdə ittiham olunub.

Məlumata əsasən, edam hökmü Ali Məhkəmədə təsdiqləndikdən sonra çərşənbə səhəri icra edilib.

Bu hadisə müharibə şəraitində təhlükəsizlik tədbirlərinin sərtləşdiyi bir dövrdə baş verir; son günlərdə İranda artan həbslər və təhlükəsizlik əməliyyatları ilə bağlı xəbərlər yayılır və məhkəmə proseslərinin ədalətliliyi ilə bağlı narahatlıqlar artır.