Ərdəbildə dermatoloq (dəri həkimi) doktor Aminə Süleymaninin saxlanılmasından 10 gün keçməsinə baxmayaraq, hələ də onun vəziyyəti, saxlanma yeri və şəraiti barədə aydın məlumat yoxdur.

Məlumatlı mənbələrin hesabatına görə, doktor Süleymani xalq etirazları zamanı yaralananlara tibbi yardım göstərdiyi üçün kəşfiyyat qüvvələri tərəfindən həbs edilib.

Araz News-un xanım Süleymaninin ailəsinə yaxın mənbələrə istinadən verdiyi məlumata görə, ailənin onun taleyi ilə bağlı təhlükəsizlik və məhkəmə qurumları vasitəsilə etdiyi çoxsaylı müraciətlər indiyədək nəticəsiz qalıb. Mənbələr bildirir ki, məsul şəxslər onun saxlanma yeri, hüquqi vəziyyəti və işi üzrə araşdırmanın gedişatı barədə hər hansı izahat verməkdən imtina edirlər.