آمریکا جومهورباشقانی دونالد ترامپ، واشینقتونون اسلام جومهوریتینه قارشی قطعی حربی اوستونلویه صاحب اولدوغونو و ایسته‌دیگی زامان توققوشمایا سون قویا بیله‌جگینی بیلدیردی.
آراز نیوزون آمریکانین سسینه اساسلانان خبرینه گؤره، ترامپ کانزاس ایالتینین سالینا شهرینده کئچیریلن سئچکی ییغینجاغیندا دئدی: «بیز اونلارا حاکیم اولموشوق. ایسته‌دیگیمیز زامان اونلاری سیرادان چیخارا بیلریک، آنجاق هله‌لیک بیر آز یوموشاق داورانماغا چالیشیریق.»
او، توققوشمانین سونونون یاخین اولدوغونو وورغولایاراق علاوه ائتدی: «منجه اونلاری سیرادان چیخاراجاغیق و ایش بونونلا بیته‌جک.»
ترامپ بوندان علاوه آمریکانین اسلام جومهوریتینین نووه گوجونو محو ائتدیگینی و تهرانین نووه سیلاحینا صاحب اولماسینا ایجازه وئرمه‌یه‌جگینی ادعا ائتدی.
