ایران اسلام جمهوریتینین ایکی یوکسک سویه‌لی گوونلیک مسئولو آچیقلاییب تهران، خلیجده دنیز آلتین‌دان کئچن ارتباط کابل‌لارینا حمله اوچون دقیق پلانلار حاضيرلاییب. آمریکا و اسرائیلله ساواش یئنی‌دن باشلایارسا، بئله بیر آددیم بؤلگه اؤلکه‌لرینین اینترنت باغلانتی‌لارینی و اقتصادی فعالیت‌لرینی اختلالا سالا بیلر.
آراز نیوزون رویترز‌دن نقل ائتدیگینه گؤره، مسئول‌لاردان بیری اویاریب: «ایران حمله‌یه اوغرایارسا، آرتیق هئچ بیر قیرمیزی خط قالمایاجاق؛ دنیز آلتی کابل‌لاریندان عسگری اوس‌لارا (پایگاه‌لارا) قدر.»
رویترزین قایناقلارینا گؤره، تهران کابل‌لاری تخریب ائدرسه، اونلارین تعمیر ائدیلمه‌سینین ده قاباغینی آلماق نیتینده‌دیر؛ بونونلا ارتباط اختلالینین داها اوزون موددت داوام ائتمه‌سی هدفلنیر.
سپاه پاسدارانین سیاسی معاونى یدالله جوانی دا داها اؤنجه ایران اسلام جمهوریتینین هورموز بوغازی آلتین‌دان کئچن یئددی اساس اینترنت کابلینی هده‌فه آلا بیله‌جگینی دئیه تهدید ائتمیشدی.
اوزمانلار اویاریلار بئله حمله‌لر خلیج اؤلکه‌لرینده اینترنتی، بانک عملیاتلارینی و دیجیتال خدمتلری اختلالا سالا بیلر؛ آنجاق بونون دونیا اینترنتینه تأثیرینین احتمالن محدود قالاجاغی دَیرلندیریلیر.
