تهران بورسو بو گونکی معاملاتدا یئنی‌دن منفی بؤلگه‌یه کئچیب و عئینی زاماندا سهام و یاتیریم صاندیقلاریندان یوزلرجه میلیارد تومان حقیقی سرمایه چیخیب.
آراز نیوزون ایرنا‌دان نقل ائتدیگینه گؤره، بورسون عمومی شاخصی ۳۶ مین واحد دوشه‌رک ۷ میلیون ۷۷۱ مین واحده ائنیب. هم‌چکی شاخصی ده تقریباً ۶ مین واحد آزالیب.
یاییلان بیلگی‌لره گؤره، ایندیه‌دک سهام، اوستون‌لوک حقی و سهام صاندیقلاریندان تقریباً ۷۳۰ میلیارد تومان، ثابت گلیر صاندیقلاریندان ایسه ۷۰۵ میلیارد تومان حقیقی سرمایه چیخاریلیب.
آلیم-ساتیم سیراسیندا بازار نمادلاری‌نین ۵۸ فاییزی منفی بؤلگه‌ده یئر آلیب. عئینی زاماندا بعضی پالایش شرکت‌لرینین نمادلاری دایاندیریلیب و معاملاتین بؤیوک بؤلومو بانک و دمیر قروپلارینا یؤنلیب.
